GDR-5 ANCARES-COUREL

Reunión sobre a situación social na montaña

2012-01-17T10:19:00.000+01:00

O martes 17 de xaneiro pola tarde manteremos en Becerreá unha reunión con diferentes axentes do territorio para falar da situación social nun sentido amplo.

Pretendemos con esta reunión favorecer o contacto entre as persoas ou entidades que realizan labouras no eido social, para coñecerse, intercambiar experiencias e establecer lazos. Asimesmo, e xa entrando específicamente nos obxectivos da reunión, queremos propoñer un debate sobre a situación social en xeral, que nos permita obter unha radiografía da situación para posteriormente facer propostas de actuación.

A convocatoria da reunión realizouse ás entidades socias pertencentes á mesa sectorial da Vida Cotiá dos Pobos, pois este é a temática sectorial que as engloba, así como tamén a outras persoas e entidades que traballan na zona nos diferentes ámbitos: servizos sociais, persoas dependentes, situación de colectivos determinados, relacións sociais, e problemas específicos como o illamento e soidade en determinadas áreas e colectivos.

A reunión, igualmente, queda aberta a todas aquelas persoas que consideren que poden aportar opinións e ideas sobre esta temática.

A reunión celebrarase ás cinco da tarde na Casa da Cultura de Becerreá, situada na rúa Eulogio Rosón.

Resumen da Reunión TEITOS DE PALLA do 7 de xaneiro

2012-01-09T19:46:00.006+01:00

Na pasada reunión celebrada o sábado 7 de xaneiro sobre os Teitos de Palla, podemos extraer as seguintes conclusións:

- Asistimos aproximadamente unhas 20 persoas, algunhas das cales xa asistiran anteriormente ás outras reunións, e outras asistían por primeira vez. Foi gratificante ver como hai moitas persoas interesadas en formar parte da asociación de propietarios/as de teitos de palla.

- Avanzouse na elaboración duns Estatutos para unha asociación de propietarios de teitos de palla, correxíndose poucos aspectos respecto do borrador inicial. No seguinte enlace, pódese descargar a última versión dos estatutos:

BORRADOR DE ESTATUTOS DA ASOCIACIÓN TEITOS DE PALLA, XANEIRO 2012.

Acordouse asimesmo realizar unha vindeira xuntanza no sábado 21 de xaneiro, para CONSTITUIR a Asociación de propietarios/as. Así pois a convocatoria para constituir a Asociación Cultural Teitos de Palla queda fixada:

Reunión para constituir a Asociación Cultural Teitos de Palla.

Sábado 21 de xaneiro de 2012, ás 11.30 horas da mañá.

Lugar: Rúa Bolaño Mendo s/n, Becerreá, no local da Asociación de Desenvolvemento Rural Ancares - Courel (antiga escola de Becerreá, onde hoxe se ubica a Oficina Agraria Comarcal).

Outra documentación: Resumo das conclusións da xuntanza de xullo en Piornedo.

Convocatoria reunión TEITOS DE PALLA

2011-12-31T10:18:00.003+01:00

Seguindo coa liña de traballo sobre a conservación dos teitos de palla, convocamos aos/ás propietarios/as de construccións teitadas de palla: pallozas, celeiros, hórreos, etc., a unha próxima reunión que se celebrará...

o SÁBADO 7 DE XANEIRO ÁS 11.30 NO LOCAL SOCIAL DO GDR, UBICADO EN RÚA BOLAÑO MENDO S/N. EDIFICIO SAN XOÁN (a antiga escola, onde hoxe está tamén a oficina agraria comarcal).

O motivo da reunión é avanzar na constitución da Asociación de propietarios/as de teitos de palla, tal e como se acordara na reunión anterior, celebrada en setembro en San Román de Cervantes.

Nos seguintes enlaces, pódese acceder á documentación relacionada:

- Borrador de Estatutos dunha asociación de propietarios de teitos de palla.
- Resumo das conclusións da reunión de xullo en Piornedo.

A Deputación Provincial buscará fondos para a Reserva da Biosfera dos Ancares.

2011-12-03T11:16:00.004+01:00

Segundo o acordado na Xunta de Goberno da Deputación provincial de Lugo do pasado día 25/11/2011, esta entidade concurrirá durante o 2012 á convocatoria de sinatura de convenios co Ministerio de Medio Ambiente, Medio Rural e Marino, para as Reservas da Biosfera.

De seren aprobados, os convenios de colaboración darían acceso a fondos para actuacións a desenvolver entre o 2012 e o 2013 na Reserva da Biosfera dos Ancares Lucenses e Montes de Navia de Suarna, Cervantes e Becerreá, así como na Reserva da Biosfera de Terras do Miño.

Concretamente solicitaranse, segundo a web, 1,6 millóns de euros ao MARM, que sumados aos 800.000 euros que aportaría a Deputación, farían un total de 2,4 millóns de euros disponibles para traballos e actuacións sobre as reservas, entre os anos 2012 e 2013.

Segundo se pode ler na acta da reunión da Xunta de Goberno da Deputación, os fondos se poderían destinar a diversos tipos de actuación. Algúns exemplos serían:
Inventario de espazos degradados e accións de protección, inventario de rutas e elaboración de packs - turísticos, divulgación e información orientada ás empresas turísticas, sinalización de zonas recreativas, culturais, etc., centros de atención de visitantes e puntos de información, accesibilidade a zonas de maior interese, elaboración dunha web informativa, etc.

Máis información en:

- Nova na web da Deputación Provincial.
- Acceso á Acta da Xunta de Goberno da Deputación do 25/11/2011, na que se toma o acordo.
.

XX Certame Literario A PIPA de Becerreá

2011-12-01T17:17:00.001+01:00

Neste mes celebrarase o XX Certame Literario A PIPA da Alta Montaña Luguesa, xunto coa Noite Poética A Pipa 2011 e a presentación do libro Dramatículas.

O tema é libre, e hai de prazo ata o 22 de nadal para presentar unha obra, nas seguintes características

CATEGORÍAS:

- Infantil (de 8 a 14 anos),

- Xuvenil (de 14 a 18 anos),

- Revista (maiores de 18 anos).

MODALIDADES:

- Poesía (máximo 50 versos),

- Relato, narración ou conto (máximo 5 folios, ...).

Ver convocatoria e bases reguladoras do certame literario A PIPA 2011.

Ver cartel Noite Poética, Certame Literario e Presentación do libro Dramatículas.

Nova Lei de turismo de Galicia e Mapa de Xeodestinos de Galicia

2011-11-12T09:48:00.004+01:00

A Xunta presentou o día 30/11/2011 o mapa de xeodestinos de Galicia.
ver nova

O xeodestino número 6 é o de Ancares - Courel, que integra aos concellos de A Fonsagrada, Ribeira de Piquín, Baleira, Negueira de Muñiz, Navia de Suarna, Becerreá, Cervantes, As Nogais, Triacastela, Samos, O Incio, Pedrafita do Cebreiro e Folgoso do Courel.

O concello de Baralla sitúase no xeodestino Lugo e Terra Chá.

No folleto escaneado a continuación, pódese ver o mapa de distribución de concellos por xeodestinos, e información sobre o xeodestino Ancares - Courel.

Ver documento xeodestino 6.

A nova lei de turismo de Galicia (descargar Lei 7/2011 de 27 de outubro, do turismo de Galicia.), recolle estes xeodestinos basado en que, segundo a propia Consellería de Cultura e Turismo, "O impulso desta nova ordenación pretende promocionar a singularidade e diferencia da nosa oferta turística co obxectivo, en definitiva, de incitar ao aumento da estancia media dos visitantes á Comunidade, ao comunicar a mensaxe de que Galicia é un multidestino. Trátase ademais de aunar esforzos, establecer canles de cooperación no territorio cos axentes públicos e privados en aras de racionalizar os investimentos e recursos económicos."

Demostación varrido das redes para recoller castañas

2011-11-11T13:09:00.000+01:00

Mañá día 12 realizaremos de 11.30 a 13.00 horas demostracións de varrido das redes para recoller castañas qeu temos instaladas nunha pequena pacel do souto de Mostad.

Calquera persoa poderá achegarse a ve-la demostración, ou mesmo probar a levar as redes, pesalas, e intercambiar connosco apreciacións sobre o ensaio. Trátase de testar novas formas de recoller castañas, e aportar ideas para mellorar este método.

Para consultas, poden chamar ao 982360824 ou ben ao 606035964 (lamentablemente non teremos cobertura en moitos lugares do Caurel para poder atendelos cando esteamos alí).

CONSUMIR PARA CONSERVAR .... BIODIVERSIDADE.

2011-11-04T20:07:00.001+01:00

O vindeiro martes 8/11/2011, ás 12.00 horas, teremos unha reunión no local da Asociación con persoas vinculadas co sector alimentario da provincia de Lugo, Ourense, e persoal da Fundación Félix Rodríguez de La Fuente.

O motivo da reunión é dar a coñecer o proxecto "Consumir para Conservar", que se fai en cooperación entre varios grupos de desenvolvemento rural españois, entre os que tamén está o grupo ourensán da zona do Xurés (GDR O Vieiro Leboreiro).

O Proxecto ten como obxectivo final, en resumo, potenciar o consumo entre a cidadanía en xeral española, de produtos alimentarios que contribúen dunha maneira ou doutra á conservación da biodiversidade. Consíguese así potenciar tamén o consumo de producións minoritarias, moitas veces producidas por pequenos produtores locais, e moitas veces producidas en áreas de alto valor natural, tales como zonas de Rede Natura e outros espazos protexidos.

O proxecto ten unha primeira fase de inventariación de produtos e contacto con produtores, transformadores e comercializadores, e unha segunda fase de promoción do consumo destes produtos ao público xeral español.

No territorio de Ancares-Courel, son moitos os produtos encaixables neste proxecto: variedades escasas de castaña e outras froitas, razas autóctonas (porco celta, razas autóctonas de vacún galegas ou asturianas, etc.). Asimesmo, hai outras producións tales como o mel de brezos protexidos, ou as ganderías que pastorean en pastos naturais, que coa súa presenza tamén contribúen á conservación destas especies vexetais.

Na reunión do vindeiro martes, presentaremos pois o proxecto aos axentes que traballan en produción alimentaria, quedando as portas abertas a todas aquelas persoas interesadas en asistir á mesma. Non é preciso confirmar con antelación. Para consultas, poden chamar ao 982 360 824.

A PAC DESPOIS DO 2013. AVANCES NO DESEÑO.

2011-11-04T19:03:00.006+01:00

No enlace indicado a continuación, pódese ler a Proposta do Regulamento do Parlamento Europeo e do Consello relativo á axuda ao desenvolvemento rural a través do Fondo Europeo Agrícola de Desenvolvemento Rural (FEADER).
IR A PROPOSTA DE REGULAMENTO.
O Regulamento que se aprobe será o documento básico de referencia sobre a PAC 2014-2020, pois nel se recollerá o funcionamento de tódalas liñas de axudas referidas á agricultura, gandería, produción forestal, Programa Leader... , en resumo, do Desenvolvemento Rural.
De momento, está publicado este borrador, que se someterá a negociacións entre os Estados ata a primaveira do vindeiro ano.

Ensaio de Recollida de Castañas con Redes

2011-11-03T19:27:00.004+01:00

Recentemente temos instaladas nunha pequena parcela do souto de Mostad (Folgoso do Courel), un ensaio de recollida de castañas con redes de pesca reutilizadas.

Este ensaio busca probar alternativas á recollida de castañas manual en soutos de relevo irregular e elevada pendente, que poidan supor un menor custe nesta fase inicial do castañal.

O ensaio englóbase na liña de traballo en torno á castaña e os soutos, e é unha proposta recollida das reunións que celebramos en Seoane do Courel en torno á situación dos soutos e as capacidades produtivas de castaña. Está sufragado polo Ministerio de Medio Ambiente, Medio Rural e Marino, a través do proxecto de cooperación entre GDRs titulado "Nuevos Horizontes" (http://proyectonuevoshorizontes.blogspot.com/).

Podese visitar esta parcela experimental, entrando dende o pobo de Mostad. A parcela ubícase a uns 800 metros do pobo, e se accede a pé ou en todoterreo. Tárdase aproximadamente 15 ou 20 minutos en chegar dende Mostad, andando. É conveniente andar con precaución, debido sobre todo a posibles caídas de canas e árbores causados polos fortes ventos dos últimos días. De feito, un dos camiños de acceso ao souto está obstaculizado pola caída recente dun castiñeiro.

Ben sabemos que este ano, debido ás condicións climáticas singulares habidas durante o estío, a produción de castaña non é a habitual. En xeral, estímase que hai moi pouca produción, e que o tamaño da castaña é moi quequeno en comparación con outros anos. Por outra banda, os fortes ventos e chuvias repentinas dos últimos días tamén favoreceron que caesen demasiadas canas e follaxe antes do previsto. Por todo isto, este ensaio non vai dar uns resultados que se poidan levar a outros anos, pero si servirá de primeira referencia e experiencia de traballo con redes.

En breve prazo, publicaremos os resultados dos cálculos de tempos, rendemento e custes obtidos neste ensaio.

Para consultas, poden chamar ao número 982360824.

A PAC DESPOIS DE 2013. Primeiros avances.

2011-10-13T18:24:00.002+02:00

Mañá venres, ás 17.00 horas, se impartirá en Lugo unha conferencia sobre "As perspectivas financieiras da reforma da PAC", por parte de D. José Manuel Silva Rodríguez, Director Xeral de Agricultura da Comisión Europea. Lembramos que estamos no momento de pleno debate sobre o futuro da PAC para o vindeiro periodo 2014-2020.

Esta conferencia é aberta á sociedade, e enmárcase na serie de conferencias abertas dentro do máster en Xestión Sostible da Terra e do Territorio que organiza a Universidade de Santiago de Compostela.

Lugar: Salón de actos. Escola Politécnica Superior
14 de outubro ás 17:00 horas

Aproveitamos tamén este tema aberto para destacar que onte, 12 de outubro, o Comisario Europeo de Agricultura, Dacian Ciolos, presentou o borrador do esquema que guiará a Política Agraria Común despois do 2013. Esta nova de prensa da Comisión, conta moi resumidamente as 10 liñas principais da proposta inicial da futura PAC: VER (unha vez aberto o enlace web, pinchar onde pon "ES" para ver o documento en español").

Vindeira reunión Teitados de Palla

2011-09-29T19:01:00.003+02:00

Na pasada reunión celebrada o 10 de setembro en San Román de Cervantes, no marco do Proxecto de Cooperación Interterritorial MASOVERA, sufragado polo Ministerio de Medio Ambiente, Medio Rural e Marino, para avanzar no debate sobre o estado de conservación dos teitos de palla, e tratar de conformar unha asociación de propietarios/as que traballe por mellorar as posibilidades da conservación destes elementos patrimoniais, tratáronse diversos temas:

- Falouse de que era importante que as persoas tiveran disposición a traballar ou aportar cousas útiles á asociación. Viuse neste debate que hai propietarios/as co interese de conserva-las súas pallozas, hórreos, etc.; outros/as que poden ofrecer terras para sembrar centeo e ter palla; outras que poden ensinar sobre formas de teitado e de tratamento da palla; outras que poden traballar en temas de xestión, trámites ante Administracións, etc.

- Falouse tamén e debateuse inicialmente sobre a posibilidade de crear unha nova asociación ou a posibilidade de acepta-lo ofrecemento feito dende a Asociación Castaño y Nogal, de integrarse os propietarios na súa asociación e traballar dende ela pola conservación dos teitos de palla, aproveitando así unha estrutura organizativa e unha experiencia en xestión. Expuxéronse diferentes argumentos sobre esta cuestión.

- Tamén se debateu sobre o papel que debe ter unha asociación de propietarios/as de teitos de palla, e que tipo de tarefas debe abarcar. Entre estas, se fixeron suxerencias como: que sirva para negociar ante a Administración, que sirva para solicitar axudas, que seiva para poñer en común coñecementos, para poder adquirir palla ou contratar traballos de restauración máis asequibles, etc.

Na reunión entregouse un borrador inicial duns Estatutos para o caso de acordar crear unha nova asociación, de xeito que as persoas interesadas poidan lelos con antelación suficiente para unha vindeira reunión, a celebrar a mediados do mes de outubro.

Así é que se ten pensado celebrar no mes de outubro unha vindeira reunión na que se tratará de constituir ou alomenos avanzar na formación dunha Asocíación de propietarios/as de teitos de palla. O lugar e hora determinarase proximamente. Para elo, servirá de base sobre a que facer propostas de mellora o seguinte
BORRADOR DE ESTATUTOS: ASOCIACIÓN DE PROPIETARIOS DE TEITOS DE PALLA.

Como antecedentes, resúmese no seguinte documento o tratado na reunión celebrada en Piornedo no 29 de xullo de 2011: RESUMEN REUNION PIORNEDO TEITOS PALLA.

REUNION SOBRE TEITADOS DE PALLA

2011-09-05T10:42:00.004+02:00

O pasado día 29 de xullo xuntámonos en Piornedo con propietarios de construcións teitadas de palla: pallozas, hórreos, cileiros ou palleiras que aínda conservan todo ou parte do teito de palla. O obxectivo era coñecerse e falar da problemática común de manter os teitados, e para a Asociación de desenvolvemento, englóbase na liña de traballo do Proxecto Masovera, sufragado polo Ministerio de Medio Ambiente, Medio Rural e Marino.
Falamos nesa reunión de moitas cuestións, pero sobre todo do difícil que é conseguir palla e do descoñecemento de xente ou empresas que teiten. Falamos tamén da posibilidade de facer unha asociación de propietarios/as de teitos de palla, que sirva para obter información, solicitar axudas, coordinarse para mercar palla, etc. Así que varias persoas voluntarias, e as que se queiran sumar, están recollendo propostas para a elaboración duns Estatutos para esta asociación. Acordouse tamén facer unha próxima reunión en setembro, para seguir falando, xuntar máis xente para a reunión, e madurar a idea de crear a Asociación.

A continuación, pódese descargar un resumo das conclusións da reunión en Piornedo.

- CONCLUSIÓNS DA REUNIÓN EN PIORNEDO, A 29/XULLO/2011.

IMPORTANTE:
A vindeira reunión queda fixada para o día 10 DE SETEMBRO, sábado, ás 18.00 HORAS, no CENTRO DE USOS SOCIAIS DE SAN ROMÁN DE CERVANTES (en frente á Farmacia).

Agardamos que poidades asistir. Se algunha persoa ten dificultades para poder achegarse, pode contactar connosco no teléfono 982360824 ou 606035964, e tentaremos atopar unha solución.

Cómo chegar dende A Fonsagrada.

CURSO PRIMEIROS AUXILIOS

2011-08-03T10:12:00.005+02:00

Está aberto ATA O 29 DE AGOSTO, o prazopara se anotar no Curso de Primeiros Auxilios, que se celebrará na Escola de Barcia, en Navia de Suarna a primeiros de setembro. Poderanse inscribir persoas maiores de 18 anos, ou maiores de 16 con autorización paterna ou materna, que sexan residentes nos concellos do GDR - 5.

Este curso, solicitado ao GDR pola Asociación de Mulleres Rurais LEDICIA, organízase co obxectivo fundamental de que as persoas residentes en lugares aillados e lonxanos de centros de atención sanitaria, se capaciten para a atención de primeiros auxilios en situacións de emerxencia.

O curso será impartido por profesionais da Cruz Vermella de Lugo e terá unha duración de vinte horas. O curso organizarase con 10 horas teóricas e 10 prácticas e estará HOMOLOGADO POR INTERÉS SANITARIO. Recibirase diploma de asistencia, cun mínimo de asistencia do 90% e superación de exame teórico práctico.

Encádrase esta actuación no proxecto de Cooperación Interterritorial Masovera, que financia o Ministerio de Medio Ambiente, Medio Rural e Marino, e que busca alternativas de melloras de servizos no hábitat disperso.

Conclusións Reunión Teitados de Palla

2011-07-30T11:04:00.003+02:00

O pasado venres 29 de xullo xuntámonos en Piornedo unhas 27 persoas propietarias de hórreos, pallozas e palleiros teitados de palla, e membros da Asociación. Os asistentes eran de diferentes concellos (Pedrafita do Cebreiro, Becerreá, Cervantes,...), se ben a maioría era da parroquia de Donís.

O obxectivo era falar da problemática de conservación destes teitados e tentar buscar entre todos/as unha solución. Estivemos falando longo e tendido do problema de obtención de palla de calidade (resistente, de lonxitude mínima dun metro, etc.), e ben desgranada. E tentamos buscar unha solución.

En breve subirase ao blog un resumo do debate e as conclusións sobre cuestións relativas á restauración ou rehabilitación das pallozas.

Destacamos igualmente que outra das conclusións obtidas foi a de CONSTITUIR UNHA ASOCIACIÓN DE PROPIETARIOS/AS DE TEITOS DE PALLA, que loite polo obxectivo de conservación das mesmas. Entre as persoas que se ofrecen voluntariamente, se irá traballando nuns Estatutos da asociación, de cara a que no vindeiro mes de setembro se convoque novamente a unha reunión de propietarios/as para ir avanzando na constitución da asociación. O GDR apoiará este proceso de constitución, e servirá de punto de información e contactos, a través do proxecto de cooperación interterritorial Masovera, sufragado polo Ministerio de Medio Ambiente, Medio Rural e Marino.

MODIFICACIÓN DAS BASES REGULADORAS DAS AXUDAS DO PROGRAMA LEADER

2011-07-29T11:07:00.001+02:00

A Dirección Xeral de Agader vén de eliminar recentemente as limitacións sectoriais establecidas no Réxime de Axudas do Programa Leader 2007-2013 para os "investimentos en centros destinados a prestación de servizos de igualdade e benestar á poboación". Esta modificación surtirá efecto a partir da notificación a cada GDR, o que para o GDR 5 supón que surtirá efecto dende o 23 de xullo do presente ano 2011.

Esta eliminación supón que a partir da data citada no GDR 5 serán subvencionables tamén os seguintes tipos de proxectos: centros-residencia e maiores e centros de protección e reeducación de menores.

Esta modificación súmase á modificación realizada en abril do presente ano, a raíz do convenio asinado coa Consellería de Cultura e Turismo no que se establece unha coordinación en materia de subvencións no eido do Turismo: ver nova.

Reunión con propietarios/as de "teitados de palla"

2011-07-27T14:06:00.003+02:00

Non cabe dúbida que as pallozas, vivendas tans singulares e propias da nosa zona de montaña, son un recurso cultural, un patrimonio único e especial, e de grande valor histórico, cultural e incluso afectivo, porque está ligado ás nosas vidas, ás nosas familias e antepasados.

Quizais por elo dende hai un tempo moitas persoas da zona nos din que había que facer algo para que se conservaran. Resulta moi costoso manter o teito de palla, e xa é difícil conseguir a palla que valla para teitar, e xente que saiba facelo.

Precísase moita cantidade de palla e de determinada forma: lonxitude mínima dun metro máis ou menos, e non estar rota. Esto último é o máis dificil, xa que hoxendía, as formas modernas de recollida do pan rompen toda a palla. Débese facer ou ben como antiguamente ou con algún método novo que permita desgranar sen romper moita palla. Tamén xa de por sí é complicado atopar a palla, xa que na zona apenas se sembra pan, e na zona de Castilla, apenas se sembra palla da lonxitude precisa e é costoso traela.

Despois, aínda queda escollela e teitar. Pero tamén queda pouca xente que teite. Saber saben moitas persoas maiores que teitaban de mozos/as, pero poucas ou pouquísimas empresas e persoas e o fagan hoxe.

Así é que vista a situación, se queremos que este patrimonio único non se perda, debemos mover ficha.

Pensamos que o primeiro a facer sería unha xuntanza de todos e todas as propietarias de pallozas para falar deste tema e ver se somos quen de coñecer mellor a situación real das pallozas e as dificultades dos propietarios/as para restauralas, e buscar logo unha fórmula por se se puidera facer algo realmente para melloralas.

Esta reunión será en Piornedo de Ancares, o vindeiro venres 29 de xullo ás 18.30 horas.

Dende a Asociación convidouse a propietarios e propietarias de pallozas e hórreos teitados de palla, mediante o envío da convocatoria de reunión. Pero non somos coñecedores de todos /as os/as propietarios/as, pois non temos toda esa información.
Así que se coñecedes dalguén que puidera estar interesado/a na reunión, agradecemos que se lle dea aviso da mesma.

Convenio co Centro Tecnolóxico Alimentario de Lugo

2011-07-21T13:54:00.002+02:00

Hoxe, día 21 de xullo de 2011, vense de asinar un Convenio entre os Grupos de Desenvolvemento Rural da provincia de Lugo e a Fundación Centro Tecnolóxico Alimentario de Lugo (www.cetal.es).

O obxecto do convenio é a dinamización do sector agroalimentario da provincia, a través da innovación nas industrias alimentarias e centros de comercialización. O Cetal disporá de varios/as técnicos/as, becados pola Diputación Provincial de Lugo, para a realización dun estudo previo de necesidades das empresas alimentarias lucenses, en colaboración con cada GDR. Os GDRs, pola súa banda, colaborarán no deseño do estudo e proporán novas liñas de traballo.

Trufas no Courel??

2011-06-21T09:25:00.004+02:00

O Proxecto de cooperación Nuevos Horizontes, sufragado polo Ministerio de Medio Ambiente, Medio Rural e Marino, e no que participa a Asociación, quere apoiar producións tradicionais, como a castaña, e produccións innovadoras, como a trufa. No marco deste proxecto realizaranse en Courel unha parcela de ensaio de recollida de castañas mediante redes, e parcelas de ensaio de trufas.

Para dar cobertura orzamentaria ás parcelas da trufa, a Asociación vén de asinar recentemente un convenio coa Fundación CETAL (Centro Tecnolóxico Alimentario de Lugo).

A trufa, é un fungo que se aloxa nas raíces de aciñeiras, ou outro tipo de árbores de pequeno tamaño e arbustos. Fai con eles unha simbiosis, pola que ambas especies se benefician da compaña mutua. Para instalar trufas nun terreo, é por tanto preciso prantar estas especies arbóreas ou arbustivas que leven xa instalado na súa raíz o prezado fungo.

A raíz do convenio co CETAL, primeiro realizaranse analíticas de chan para ver a priori se estes reúnen as condicións químicas e físicas básicas para o cultivo. Estas analíticas remitiranse ao Centro Tecnolóxico Forestal de Cataluña, onde, gratuitamente, nos informarán sobre se os solos son aptos ou non para albergar e desenvolver este fungo.
Posteriormente, se houber a priori zonas aptas, solicitarase a propietarios/as de parcelas ubicadas nesa zona o permiso para realizar unha pequena parcela demostrativa. O CETAL correrá cos gastos derivados da plantación de árbores micorrizados.

...e descubriremos ao cabo duns aniños se a trufa é posible no Courel.

2011-05-11T20:02:00.002+02:00

O vindeiro luns 16 de maio a oficina permanecerá pechada.
Desculpade as molestias.

Acceso a internet mediante redes X.net

2011-05-03T15:15:00.005+02:00

Nos últimos anos, vense dando un crecemento intensivo de redes de internet mediante tecnoloxías de radioenlaces, como os WiFI ou os WiMAX, etc. Varias operadoras xa traballan no noso territorio mediante estes sistemas.

Un exemplo máis deste tipo de sistemas, pero diferente na súa finalidade, é o que desenvolve a Fundación Guifi.net, unha fundación catalana sen ánimo de lucro, cuxos obxectivos se centran no desenvolvemento de redes libres, abertas e neutrais. Máis información en http://www.guifi.net/.

O GDR 5 organiza nestes fins de semana un curso de formación para persoas que queiran aprender a deseñar, instalar e configurar este tipo de redes, co obxecto de instalar pequenas redes de acceso a internet en áreas remotas nun futuro.

Pequenas redes veciñais de acceso a internet con este ou outros sistemas, poderían ser subvencionables polo Programa LEADER se non teñen un fin económico; é dicir, se están promovidas por entidades sen fins lucrativos, e se teñen un fin social.

Para coñecer máis sobre a cuestión, pódese asistir á xornada que se impartirá en Lugo o venres 6 de maio ás 20:00 horas no Centro Social LugII (Rúa Pintor Corredoira, preto do colexio Anexa), ou ben, asistir á visita que realizaremos para coñecer unha iniciativa de cobertura de internet no Courel que xa funciona co sistema Guifi.net. Para asistir, débese avisar antes por teléfono ao número 982 360 824.

2011-03-24T17:54:00.001+01:00

AMPLIADO O PRAZO PARA PRESENTAR PROPOSTAS AO PLAN DE ZONA ATA O VINDEIRO XOVES 31 DE MARZO. Ver nova na web de Agader.

OS SOUTOS. POSIBILIDADES ECONÓMICAS NO COUREL.

2011-03-15T17:24:00.012+01:00

O vindeiro 26 de marzo, sábado, celebraremos en Sevane do Caurel, na Estación Biolóxica da USC, unha xornada sobre Os soutos e a produción de castaña en Caurel.
CÓMO CHEGAR Á ESTACIÓN BIOLÓXICA DO COUREL.
O programa será o seguinte:

15.30 horas:
PRESENTACIÓN. Dolores Castro, Alcaldesa de Folgoso do Courel, e José Fernández, Presidente do GDR.

16:00 horas:
A PRODUCIÓN DE CASTAÑA EN ECOLÓXICO.
D. José Ant. Fernández Álvarez, Presidente do Cons. Regulador de Agric. Ecolóxica.

16:30 horas:
NOVAS FORMAS DE APROVEITAMENTO DOS SOUTOS.
Pablo Fraga, técnico da empresa Alibós Galicia SL.

17:00 horas:
POTENCIALIDADES DA CASTAÑA NO COUREL.
Xosé Mouriño Cuba, Servizo de Control de Calidade Agroaliment. e Industrias.

17:30 horas:
ARRENDAMENTOS A TRAVÉS DO BANCO DE TERRAS.
Cristina Zolle, técnica do Banco de Terras de Galicia.

18:00 horas:
Descanso - Café.

18:30 horas:
MESA REDONDA. A COMERCIALIZACIÓN DA CASTAÑA. Interveñen comercializadores locais:
- Empresa CAURUS SL. D. José Fernández Corral (Xil)
- Empresa Manuel Rivera López. Dna. Margarita López.
- Empresa Antonio Álvarez. D. Antonio Álvarez (Vilasibil).
- Empresa Manuel Lolo. D. Manuel Lolo Cancedo (Zanfoga).

19:20 horas:
PRESENTACIÓN DO PROXECTO NUEVOS HORIZONTES.
DEBATE SOBRE AS POSIBILIDADES DOS SOUTOS NO COUREL.

20:30 horas:
CLAUSURA DA XORNADA.

O programa está enfocado segundo as demandas manifestadas nas reunións anteriores sobre a temática dos soutos, e encádrase no Proxecto denominado "Nuevos Horizontes", sufragado polo Ministerio de Medio Ambiente, Medio Rural e Marino.

VER PROGRAMA: PAX 1 ; PAX 2.
VER CARTEL

CURSO ON-LINE AGRICULTURA ECOLOXICA

2011-03-09T11:45:00.003+01:00

A Sociedade Española de Agricultura Ecolóxica abre a inscripción ao curso INTRODUCIÓN Á AGRICULTURA ECOLÓXICA. ...Ler máis.

REUNIÓN SOUTOS EN COUREL

2011-03-08T11:17:00.008+01:00

O vindeiro sábado 26 de marzo, teremos en Sevane de Courel unha xornada sobre aspectos produtivos e económicos da produción de castañas en Courel.

Esta xornada enmárcase no Proxecto de Cooperación NUEVOS HORIZONTES, sufragado polo Ministerio de Medio Ambiente, Medio Rural e Marino.

A xornada celebrarase de 15,30 horas a 20,30 horas na Estación Biolóxica da USC. Próximamente subirase ao blog o programa da xornada.

CONVOCADAS AS MESAS SECTORIAIS

2011-03-08T10:56:00.003+01:00

As mesas sectoriais da Asociación foron convocadas para os vindeiros días. O motivo da convocatoria para todas elas é o seguinte:

Propostas a facer ás administracións para seren incluídas no PLAN DE ZONA DA MONTAÑA LUGUESA, dentro do Programa de Desenvolvemento Rural Sostible 2010-2014. (Pódese ler máis ao respecto en novas dispostas máis abaixo). Cada mesa debatirá sobre as temáticas que lle son propias.

O motivo da urxencia da convocatoria tamén responde a que o prazo dado para presentar propostas no citado plan remata o vindeiro luns 21 de marzo.

Lembramos que calquera entidade ou persoa pode facer aportacións ao Plan de Zona libremente, enviando as propostas no formulario directamente a Agader. (Máis información pinchando aquí).

As convocatorias serán as seguintes:

- MESA MEDIOAMBIENTAL. Sábado 12 de marzo ás 11,30 horas no centro sociocultural de Sevane (a antiga escola), Folgoso do Courel.

- MESA DA VIDA COTIÁ DOS POBOS. Martes 15 de marzo ás 19,30 horas na Casa da Cultura de Becerreá (Rúa Eulogio Rosón s/n).

- MESA EMPRESARIAL E DE DESENVOLVEMENTO RURAL. Mércores 16 de marzo ás 17,00 horas no local social da Asociación, situado en Rúa Bolaño Mendo s/n, Becerreá.

- MESA AGROFORESTAL. Xoves 17 de marzo ás 19,00 horas na Casa da Cultura de Becerreá (Rúa Eulogio Rosón s/n).

III FORO RURAL EUROPEO

2011-03-02T12:10:00.002+01:00

A Comisión Europea, o Goberno de España e a Plataforma de Donantes para o Desenvolvemento Rural, organizan o

TERCEIRO FORO EUROPEO DE DESENVOLVEMENTO RURAL.

Este foro da continuidade aos dous anteriores celebrados en Montpellier (Francia) no 2002 e en Berlín (Alemaña) no 2007. Organízao dende aquela a Dirección Xeral de Desenvolvemento da Comisión Europea.

Este ano celebrarase en Palencia entre os día 29 de marzo e 1 de abril.

Máis información en: www.ruralforum.info.

PLAN DE ZONA DA MONTAÑA LUGUESA

2011-03-02T11:51:00.004+01:00

O pasado 1 de marzo de 2011, tivo lugar a primeira reunión do Consello de Zona para a elaboración do Plan de Zona da Montaña Luguesa 2010-2014. Neste Consello están representados os GDRs.

Este Plan de Zona, que comezará a deseñarse nestas datas, debe incluir actuacións coordinadas entre diferentes administracións, nos campos da Economía e o Emprego, o Medio Ambiente, as Infraestruturas e Servizos á Poboación, etc.

Na reunión celebrada onte no Centro Sociocultural de Baralla, informouse do seguinte:

- Disponse para toda Galicia e os 5 anos do Programa de Desarrollo Rural Sostenible dun total de 170 millóns de euros, dos que a metade provén da Administración Xeral do Estado e a outra metade, da Xunta de Galicia. Isto fai unha media de 2,83 millóns de euros por zona e ano. Esta cifra é unha media.

- CALQUER PERSOA OU ENTIDADE PODE FACER UNHA PROPOSTA, SEGUNDO O MODELO OFICIAL E ACHEGALO A AGADER ANTES DO 21 DE MARZO DO 2011.
(DESCARGA MODELO OFICIAL).

Xornada en Fonsagrada: OS RETOS DO SECTOR DA CARNE DE VACÚN

2011-03-02T11:43:00.002+01:00

O vindeiro venres 4 de marzo terá lugar no Salón de Actos Municipal da Fonsagrada (Os Chaos), dende as 9,00 horas un foro de debate sobre os rectos do sector do vacún de carne.

O programa será o seguinte:

9,00 h: Inauguración; Alcalde da Fonsagrada.

9,30 h: "O valor da Identificación Xeográfica Protexida na comercialización de carne fresca: tendencias de mercado e consumo". Director de Promoción e Relacións Externas da IXP.

10,15 h: "Eficacia na relación do produtor co matadoiro", a cargo do Veterinario Xefe de Produción de Vacún de Carne de COREN.

11,00 h: Pausa Café.

11,30 h: "Produción de carne en Galicia no marco da reforma da PAC", a cargo do Subdirector Xeral do FOGGA.

12,15 h: Mesa redonda: "As potencialidades da carne de calidade nas zonas de montaña", a cargo de: presidente de Ternera Galega, presidente de ACRUGA, Subdirector de Gandería da Cons. de Medio Rural, Veterinario Xefe de Producción de Vacún de Carne de COREN.

14,00 h: Clausura, a cargo do Sr. Conselleiro do Medio Rural.

Congreso Termal en Ourense. 2 a 6 de marzo 2011.

2011-02-15T13:32:00.001+01:00

Os GDRs da Montaña, convocados para a elaboración dos Plans de ZONA do Programa de Desenvolvemento Rural Sostible 2010 - 2014

2011-02-08T10:33:00.004+01:00

A Lei de Desarrollo Rural Sostenible elaborada polo goberno central, concrétase no Programa de Desenvolvemento Rural Sostible 2010 - 2014. (Ver máis información).

Neste programa, establécese que cada Zona Territorial debe facer un Plan de Zona, que vén sendo máis ou menos un plan no que se coordinen as actuacións das diferentes administracións. É dicir, é un Plan para unha zona determinada, coordinado entre diferentes consellerías, ministerios e administracións locais.

En Galicia, definíronse 12 zonas. Unha delas é a denominada Montaña Lucense, e abarca os concellos de Baleira, Baralla, Becerreá, Cervantes, Folgoso do Courel, A Fonsagrada, Meira, Navia de Suarna, Negueira de Muñiz, As Nogais, Pedrafita do Cebreiro, Pol, Quiroga, Ribas de Sil, Ribeira de Piquín e Riotorto. É dicir, todo o ámbito territorial do GDR 5 está incluído nesta zona para o PDRS 2010-2014.

Segundo publicacións do Ministerio de Medio Ambiente, Medio Rural e Mariño (ver informe), en Galicia xa está feito o análise e diagnóstico para cada Plan de Zona, e que dende decembro de 2010 a febreiro de 2011 se realizará a fase participativa do proceso.

Por outra banda, recentemente, veñen de ser aprobadas as Directrices de Ordenación do Territorio, que se poden descargar no seguinte enlace: http://www.cmati.xunta.es/portal/cidadan/lang/gl/pid/2467. Estas directrices servirán tamén de marco de referencia para os Plans de Zona.

Recentemente, AGADER, que será a entidade que coordine a elaboración dos Plans de Zona, nos ten convocado para designar un,ha representante dos 3 GDRs que abarcan a zona de montaña (inclúense parte dos territorios dos GDR 3 - Montes e Vales e do GDR 8 - Ribeira Sacra), para participar na elaboración dos Plans de Zona.

Dende o GDR 5 trasladaranse as conclusións que se obtiveron das diferentes reunións tidas na mesa sectorial da Vida Cotiá dos Pobos, nas que se debatiron a situación das infraestruturas, equipamentos e servizos do noso territorio.

Outras novas relacionadas:
- Das páxinas web das Redes de GDRs a nivel estatal aparecen as seguintes novas:

Novas da Red Española de Desenvolvemento Rural: http://www.redr.es/es/cargarAplicac[....]echaDesde=&idCategoria=0&fechaHasta=

Novas da Red Estatal de Desarrollo Rural: http://www.redestatal.com/elaboracion-de-los-planes-de-zona-en-galicia

TURGALICIA EXPÓN O TURISMO ORNITOLÓXICO EN GALICIA

2011-01-28T17:20:00.003+01:00

Na paxina web de TURGALICIA, vén de publicarse unha nova sección sobre turismo ornitolóxico. Nela, podemos atopar indicacións dos lugares de Galicia axeitados para este tipo de turismo de observación. Entre as 10 mellores propostas, sitúase a de visitar os montes de Cervantes, e se recollen varias propostas de rutas a facer, en vehículo ou andando.

Temos máis información no enlace: TURISMO ORNITOLÓXICO.

XI CONCURSO DE PROXECTOS EMPRESARIAIS INNOVADORES. USC.

2011-01-10T17:12:00.001+01:00

   A Universidade Santiago de Compostela presenta a XI edición do
   Concurso de Proxectos Empresariais Innovadores, dirixidos a titulados
   ou estudantes das tres universidades galegas, ou ben empresas
   establecidas no 2010 promovidas por estes colectivos.

Prazo de Presentación de candidaturas: ata o 28 de febreiro de 2011 ás 14.00 horas.
Premios:
- Proxectos de Base Tecnolóxica:
      - 1º: 5.000 € de premio máis 24.000 € de préstamo participativo.
      - 2º: 3.000 € de premio.
- Premio Empresa Xove: 2.000 €.
- Premio Muller Emprendedora: 2.000 €.
- Premio Proxecto Emprendemento Social: 2.000 €.

PROBLEMAS INFORMÁTICOS NA OFICINA

2010-12-20T12:55:00.000+01:00

Como temos problemas informáticos mañan martes 21 de decembro dedicaremos o día a facer outras xestións e visitar proxectos no territorio, as técnicos estaremos no concello de Folgoso de Courel. A oficina polo tanto permanecerá pechada.
Sentimos moito as posibles molestias.

FEIREANDO

2010-12-13T15:10:00.000+01:00

Xornada organizada pola Asociación Terras de Lugo o día 18 de Decembro

VI Xornadas Agrarias

2010-12-13T15:05:00.000+01:00

A Federación Rural Galega (FRUGA) xunto co concello de Melide organizan esta xornadas sobre coopertivismo e producción agroforestal sostible en Galicia os días 17 e 18 de Decembro.

A MICOLOXÍA EN GALICIA: UN SECTOR EMERXENTE

2010-12-13T14:54:00.001+01:00

O día 15 de Decembro terá Lugar en Lugo unha xornada sobre a micoloxía en Galicia organizada polo CETAL

CERTAME LITERARIO

2010-11-25T11:05:00.001+01:00

A Asociación Xuvenil Cultural A PIPA de Becerreá organiza o "XIX CERTAME LITERARIO A PIPA 10 DA ALTA MONTAÑA LUGUESA"

Xornada Multisectorial Proxecto Wolf

2010-10-28T13:16:00.001+02:00

Onte tivo lugar no CPI Daniel Monje de Navia de Suarna unha xornada na que participaron gandeiros, asociacións conservacionistas, Cazadores, sindicatos, persoal técnico da administración e outras persoas interesadas no proxecto Wolf.

A xornada comezou cunha charla introductoria de Luis Llaneza, Biólogo responsable da consultora A.Re.Na (Asesores en Recursos Naturales S.L.), asesor da Consellería de Medio Rural no tema do lobo que falou sobre a distribución e a ecoloxía do lobo en Galicia.

A continuación expuxeron asuas posicións no tema as asociacions ecoloxistas, os cazadores e os gandeiros, e tivo lugar un intenso debate tras o cal se sacaron as seguintes conclusións, que serán as liñas nas que se vai seguir traballando no futuro:

- Obtención dunha prima para os gandeiros por coexistencia cos animais salvaxes
- Control e xestión axeitas das poboacións de lobo
- Pago dos danos colaterais.
- Mellora da valoración dos pagos directos que existen na actualidade.

REUNION MULTISECTORIAL PROXECTO WOLF

2010-10-24T10:03:00.000+02:00

O vindeiro mércores día 27 de outubro, realizaremos, en coordinación co GDR 3, Montes e Vales, da zona de Fonsagrada e Meira, unha reunión multisectorial para aborda-la temática da convivencia do lobo coa gandería.

No marco do proxecto WOLF: Wild Life & Farmers, (Lobo: Vida salvaxe e Mundo Rural), tratamos de buscar entre tódolos colectivos implicados unha mellor solución ao problema. Queremos chegar entre esta ou máis reunións a un acordo, un pacto territorial, ou unha proposta para elevar á Administración, que solvente mellor as necesidades do sector.

Nesta reunión estaremos gandeiros e gandeiras, cazadores/as, persoal da Administración, técnicos que traballan no Plan de Xestión do Lobo e asociacións ecoloxistas. Todos temos un punto de acordo, i é que os gandeiros e gandeiras non teñan perdas derivadas da conservación da especie.

Por previsión do número de prazas, débese avisar con antelación se se asiste con idea de quedarse a mediodía para o xantar de confraternización.

OFERTA EMPRESAS: PROPOSTAS DE TRABALLOS TÉCNICOS

2010-10-13T10:27:00.000+02:00

Como xa sabedes somos socios do proxecto de cooperación MASOVERA (Masías Sostibles: Vivir en Explotacións Rurais Ailladas), entre cuxos obxectivos está contribuír a mellora dos servizos básicos da poboación que vive nos pequenos núcleos do rural.
En relación a este proxecto temos agora que decidir que estudos técnicos encargamos para a realización no futuro dunha pequena obra novidosa e de baixo custe nalgunha das seguintes temáticas:
- Transporte
- Luz
- Auga (depuración, abastecemento, potabilización…)
- Comunicacións (Tv, Telefono fixo ou móbil, internet…)
- Residuos
- Servizos sociais
- Prevención de incendios

SOLICITAMOS A COLABORACIÓN DE EMPRESAS QUE REALICEN ESTE TIPO DE PROXECTOS para que nos envien propostas nalgunha das anteriores temáticas, como orientación podemos dicir que o presuposto máximo para o proxecto será de 5000€, proxecto que será para unha obra de máximo 15000€.
Temos pouco tempo para decidir estas cuestións polo que solicitamos que calquera empresa que esté interesada nos envie estas propostas por correo electrónico (gdr5ancarescourel@gmail.com)como data límite o Luns 18 de outubro as 15:00h.

Presentación do Proxecto de cooperación "NUEVOS HORIZONTES"

2010-09-01T17:59:00.006+02:00

O vindeiro 15 de setembro presentarase no Centro de Investigacións Agrarias de Mabegondo, de 11.00 a 18.00 horas o Proxecto de Cooperación Interterritorial titulado "NUEVOS HORIZONTES", do que o GDR 5 é socio.

Esta é unha actividade en común de todos os GDRs socios, de cara á presentación do proxecto.

As actividades a desenvolver no territorio polo GDR 5 se concretarán posteriormente, resultado de diversas reunións con axentes do territorio.

Para inscribirse, débese facer a través do grupo coordinador do proxecto, que é o GDR da Comarca de Ordes: ASDECOMOR:

....Asociación GDR ASDECOMOR

....Edificio Comarcal Xunta de Galicia. C/ Galicia, s/n

....15680.- Ordes (A Coruña)

....Telf.: 981 682 935 Fax: 981 697 832

....asdecomor@telefonica.net

....http://www.asdecomor.com

Novos proxectos da Asociación

2010-09-01T17:43:00.005+02:00

O Ministerio de Medio Ambiente, Rural e Marino (en diante, MARM), vén de aprobar a resolución definitiva da nova convocatoria de proxectos de Cooperación entre Territorios, ou máis ben entre Grupos de Desenvolvemento Rural.

O GDR 5 presentouse nesta convocatoria a tres proxectos, dos que o MARM aprobou dous. Estes dous proxectos son os seguintes:

- WOLF: Wild Life and Farmers (Lobo: Vida Salvaxe e Granxeiros/as). Este proxecto busca fundamentalmente un consenso entre os axentes do territorio para propoñer algunha alternativa aos problemas de convivencia da fauna salvaxe coa gandería. Os socios do proxecto son fundamentalmnente 11 grupos de desenvolvemento rural españois, máis varios grupos doutros países (Portugal, Rumanía,...). En Galicia, é tamén socio o GDR 3: Montes e Vales, que abrangue parte das comarcas da Fonsagrada e Meira.

Nos meses pasados, o GDR 5 mantivo reunións de presentación do proxecto con gandeiros e gandeiras, axentes de medio ambiente, técnicos da administración medioambiental e asociacións ecoloxistas. Está previsto nas semanas próximas, replicar estas reunións de presentación con máis grupos de gandeiros/as, cazadores/as e outros axentes.

- "Nuevos Horizontes". Este é un proxecto basado en xeral para todos os grupos socios na conservación e aproveitamento económico das variedades locais de cultivos ou froitos, así como nas posibilidades de introdución de cultivos novidosos.
O GDR 5 aplicará fundamentalmente este proxecto na liña de traballo da castaña e o souto que se iniciou hai xa tempo con produtores/as na zona de Courel.

Xunta Directiva

2010-09-01T16:26:00.003+02:00

O xoves 2 de setembro, ás 19.00 horas, no local da Asociación, celebrarase unha reunión de Xunta Directiva para tratar os seguintes temas:

0. Lectura e Aprobación da Acta da Reunión de Xunta Directiva anterior.

1. Propostas de Resolución de Proxectos Favorables. Este punto da orde do día procederá no caso de ter recibido Verificación Favorable de ICE´s en prazo. En caso contrario, desestimarase.

2. Propostas de Resolución de Proxectos Desfavorables.

3. Sinatura do convenio de cooperación para a fase de Execución do proxecto WOLF.

4. Preparación da 2ª Asemblea Xeral de Socios do ano.

5. Borrador-1 de modificación ás bases da convocatoria de axudas do Programa Leader.

6. Rogos e Preguntas; e Propostas achegadas por SOS - Courel: protección a través de normativa para a Montaña en Galicia; conservación do patrimonio: elementos arquitectónicos singulares.

Lembrade que os/as representantes das entidades socias poden asistir con voz ás reunións da Xunta Directiva.

Feira ARTESANIA en DONCOS

2010-08-25T16:10:00.001+02:00

O vindeiro domingo 12 de setembro, celébrase en Doncos a III Feira dos Oficios de Ancares Courel, con:

- Exposición e venta de produtos artesáns de Ancares - Courel

- Actuacións de música popular ao longo de todo o día

- Concentración cabalar

- Pulpo e churrasco

FESTA DA PANDEIRA EN PIORNEDO

2010-08-20T09:53:00.003+02:00

A Asociación Cultural "O Teixeiro" organiza para mañá sábado 21 de agosto en Piornedo de Ancares a FESTA DA PANDEIRA.

O Programa será:

13.00 h: Acollida. Chegada das tocadoras a Piornedo.

14.00 h: Xantar homenaxe. Asistencia con invitación, homenaxe ás tocadoras.

17.00 h: Actuacións. Diversas interpretacións coa pandeira, no Quintairo das ovellas de Piornedo. Asistencia libre.

20.00h: Sesión nocturna. Interpretacións espontáneas por parte do público asistente.

Este xoves, a oficina permanecerá pechada.

2010-07-27T10:07:00.008+02:00

Este xoves 29 de xullo, a oficina permanecerá pechada, debido á asistencia por parte da equipa técnica a unha reunión informativa en Agader sobre a modificación das bases reguladoras das axudas do Programa Leader 2007-2013.
Perdoen as molestias.

Reunións Mesa da VIDA COTIA DOS POBOS

2010-07-27T09:56:00.009+02:00

Nesta semana, manteranse reunións da Mesa da Vida Cotiá dos Pobos, abertas á poboación en xeral, para debater sobre infraestruturas, equipamentos, servizos nos núcleos rurais do territorio, así como daquelas causas polas que as persoas novas abandonan os pobos.

As citas son as seguintes:

- Luns 26/07/2010 ás 21:30 horas; Escola de Barcia - Navia de Suarna.

- Martes 27/07/2010 ás 21:30 horas; Salón de Usos Múltiples (antiga Casa Catoira, fronte á farmacia), en San Román de Cervantes.

- Mércores 27/07/2010 ás 21:30 horas; antiga escola de Seoane do Courel.

- Xoves 28/07/2010 ás 21:30 horas; local social da Asociación de Desenvolvemento Rural Ancares - Courel (Rúa Bolaño Mendo s/n), Becerreá, para os concellos de Baralla, Becerreá, As Nogais e Pedrafita do Cebreiro.

Os resultados do debate utilizaranse para o proxecto de cooperación MASOVERA, e máis para xuntar aportacións para a fase de consulta pública do Programa de Desarrollo Rural Sostenible 2010-2014 (ver Programa)

MODIFICACION BAREMO SUBVENCIÓNS LEADER

2010-07-02T12:57:00.003+02:00

A Axencia Galega de Desenvolvemento Rural vén de aprobar nesta semana a proposta feita pola Asociación de reducir a puntuación mínima para que os proxectos poidan ser subvencionables polo programa Leader dende 50 a 40 puntos.

Así, poderán ser subvencionables proxectos que antes se situaban entre os 40 e os 50 puntos no baremo.

Pódese ver a convocatoria de axudas e a modificación, publicadas na web de Agader, na sección do GDR 5 no seguinte enlace: http://agader.xunta.es/EixoLeader_Gal.do?editarGal=8

Cambio horario para o verán

2010-07-02T12:51:00.001+02:00

Durante o periodo estival, o horario de atención ao público seguirá sendo de 9 a 14 horas. Polas tardes, sen embargo, só se atenderá en casos excepcionais, con cita previa.

Asímesmo, o próximo luns día 5 de xullo, a oficiña pechará ás 12.30 horas.
Perdoade as molestias.

Hoxe, día de San Xoán, a oficiña estará pechada

2010-06-24T08:56:00.001+02:00

Por motivo da festividade local de San Xoán en Becerreá, a oficiña estará pechada hoxe durante todo o día. Perdoen as molestias.

PRESENTACIÓN OFICIAL PROXECTO WOLF

2010-06-17T10:48:00.004+02:00

O venres 18 de xuño ás 11:00 horas, na Casa da Cultura de Becerreá presentaráse o proxecto Wolf Wild Life & farmers (Lobo vida salvaxe e gandeiros) ante medios de comunicación e administracións.
Agardase que o Ministerio de Medio Ambiente, Rural e Marino resolva neste mes se concede financiación para actividades deste proxecto. Despois de dita resolución, reprogramarase un calendario de reunións con outros axentes relacionados co tema.

AVISO APERTURA OFICINA NO COUREL

2010-06-14T16:49:00.009+02:00

Debido as necesidades que ten esta asociación de realizar visitas a distintas aldeas do Concello de Folgoso do Courel, a partir de agora os Martes atenderemos en Courel no seguinte horario:

1- De 10 a 14 h na biblioteca do Concello en Folgoso do Courel

2- Pola tarde estaremos de visita pola zona, pero atenderemosvos na Antiga Escola de Seoane se nos chamades previamente ós teléfonos 982360824 ou 606035964

Perdoade as molestias causadas

Reunións ... turísticas

2010-06-01T15:14:00.010+02:00

Nos próximos días celebraremos reunións con empresarios e empresarias do sector turístico da zona de Ancares, que nos servirán para...

- coñecérmonos e falar do sector,
- detallar as axudas do programa Leader no turismo,
- e analizar unha proposta de traballo que varios/as empresarios/as propuxeron: buscar solucións ás deficiencias na sinalización de elementos de interese turístico. Entre todos/as analizaremos se interesa deseñar e propoñer unha sinalización dos elementos turísticos do territorio.
_______________________________________________________________________________________________

As reunións serán:
- O xoves 3 de xuño ás 18:15 horas no local da Asociación.
- O luns 7 de xuño ás 18:15 horas no bar Xegunde, de Navia de Suarna.
_______________________________________________________________________________________________

As técnicas da Asociación estaremos un cuarto de hora antes por se alguén quere consultar sobre as axudas para os seus proxectos particulares.

Reunión con gandeiros e gandeiras en Cervantes

2010-06-01T14:56:00.005+02:00

Os pasados días 24 e 26 de maio, mantivemos varias reunións con gandeiros e gandeiras da zona de Cervantes. Aproveitamos a ocasión para presentar á Asociación para os/as que non a coñecían, e explicar as axudas do Programa Leader. Se ben, o tema central das reunións era falar sobre os problemas e demandas do sector, e particularmente no tema da convivencia co lobo.

No marco do proxecto WOLF (Wild Life & Farmers), podemos analizar primeiro os custes reais que a gandeiros e gandeiras da comarca lles supón ter lobo no territorio. Non falamos neste particular dos danos por perdas directas por ataques, senón dos custes secundarios como os derivados de ter que manter peches, cans máis grandes, ou as perdas de gando que non se certifican porque desaparecen as reses, ou se denuncian demasiado tarde porque non se atoparon antes, ou mesmo horas de traballo adicadas á vixianza do gando.

Hai unha posibilidade no marco deste proxecto, de facer unha proposta seria que dea unha alternativa á xestión actual das axudas, para o próximo periodo presupuestario das axudas, que comeza no 2014. O GDR, ten solicitado xunto con outros territorios rurais españois con presenza de lobo, unha axuda ao Ministerio de Medio Ambiente, Rural e Marino, para poder seguir traballando nesta proposta alternativa. No próximo mes agárdase ter unha resposta do Ministerio ao efecto.

FEIRA DA EMPANADA E PRODUCTOS DOS ANCARES

2010-05-28T11:15:00.002+02:00

FEIRA DE CANS DE CAZA EN BECERREÁ

2010-05-27T09:46:00.002+02:00

A Sociedade de Cazadores "San Juan" de Becerreá organiza a feira de cans de caza, que se celebrará o día 13 de xuño do 2010.

XORNADAS ORDENACIÓN URBANISTICA

2010-05-21T10:24:00.006+02:00

Xornadas sobre a reforma da Lei de Ordenación Urbanística de Galicia organizadas pola Escola Galega da Administración Pública, e ás que pode asistir o público en xeral previa inscripción.

Ver convocatoria

Reunión cos/coas gandeiros/as

2010-05-20T11:20:00.006+02:00

Para os días 24 e 26 de maio temos convocadas unhas reunións para falar sobre as axudas do Leader e e sobre a problemática que teñen os gandeiros destas zonas co lobo, xa que dende esta asociación estamos participando nun proxecto de cooperación que trata de conseguir unha solución aos problemas de perdas económicas e convivencia entre a fauna salvaxe e as explotacións gandeiras.

Convocada Xunta Directiva para o 19/05/2010

2010-05-15T21:14:00.006+02:00

Foi convocada unha reunión de Xunta Directiva para o próximo mércores 19 de maio ás 19:00 horas, no local da Asociación. A orde do día será a seguinte:

Lectura e aprobación da orde do día.
Lectura e aprobación da Acta Anterior.
Incorporación de socios.
Participación / Dinamización Social.
Financiamento e tesourería. Problemas derivados da conxelación/suspensión da anualidade 2009. Propostas de accións para recuperala. Propostas para asegurar tesourería.
Proxecto Piloto coa Fundación CETAL.
Subvencións na área de Cultura para equipamentos / organización de actividades.
Proxectos con ICE desfavorable.
Modificación do Baremo.
Rogos e Preguntas.

Lembra que se representas a unha entidade socia, poderás asistir con voz a esta reunión. Para calquer aclaración, podedes consultar nos teléfonos 982360824 e 606035964.

Xornada en Bergondo: Reservas da Biosfera

2010-05-07T13:31:00.013+02:00

Os días 28 e 29 de maio terá lugar en Bergondo (Coruña) unhas xornadas sobre Reservas da Biosfera, que se enmarcan nun proxecto de cooperación solicitado ao Ministerio de Medio Rural e Marino (Proxecto REDEACII), e no que participamos varios GDRs de España. VER PROGRAMA DAS XORNADAS
Máis información e confirmación de asistencias: info@marinasbetanzos.org ou no teléfono 981669541. Igualmente, se tedes interese en asistir dende Ancares-Courel, podedes contactar coa Asociación no teléfono 982360824, para quedarmos e aforrar en transporte.

Charla: Pastos Arbustivos e Axudas da PAC

2010-05-07T13:16:00.010+02:00

O día 13 de maio celebrarase na casa da Cultura de Becerreá ás 20:00 unha charla informativa sobre os pastos arbustivos e as axudas da PAC.

¡¡¡OPINA sobre a PAC a partir do 2013!!!!

2010-05-06T16:23:00.004+02:00

No 2013 toca un cambio na Política Agraria Común da Unión Europea. A Comisión Europea xa está preparando a que será a nova PAC, e pon a disposición unha vía para que nosoutros poidamos opinar. É no enlace seguinte:

OPINA sobre a PAC a partir do 2013

"La Política Agrícola Común va dirigida a toda la sociedad. Es política de todos, y no sólo de quienes trabajan en el sector. La agricultura europea tiene que ver con la seguridad de los alimentos, pero también con el paisaje, el empleo, el medio ambiente y el cambio climático. Por eso queremos saber cuáles son sus necesidades y expectativas sobre el futuro de la agricultura y las zonas rurales de Europa. ¡Ayúdenos a hacer la política que mejor le sirva!" - Dacian Cioloş, Comisario de Agricultura y Desarrollo Rural.

Premios a Proxectos de Mulleres e Innovadores

2010-05-04T17:21:00.002+02:00

O Ministerio de Medio Ambiente, Rural e Mariño, convoca premios para a excelencia de proxectos desenvolvidos por mulleres no medio rural, de carácter innovador e orixinais. Poden premiarse ata 20 proxectos, nunha contía de ata 25.000 €.
Máis información.

Recuperación de Soutos e comercialización da castaña

2010-04-29T18:42:00.002+02:00

O martes día 27 de abril de 2010 saiu publicado no B.O.P. de Lugo unha subención para: "promoción e desenvolvemento dos soutos de castaños e a comercialización da castaña. Valorización ambiental, social e económica dos recursos propios do medio rural"
A Deputación Provincial de lugo subvencionará a unha empresa que se adique a recuperar soutos para a súa producción de castañas. A empresa deberá firmar convenios cos propietarios, que cederan a explotación dos soutos a cambio dunha parte da producción de castañas.
O Enlace onde ven explicada esta convocatorio e o seguinte:
ENLACE

Homenaxe a Uxio Novoneyra no Courel

2010-04-23T09:59:00.003+02:00

O día 9 de maio celebrarase unha homenaxe a Uxio Novoneyra en Parada do Courel o pobo natal do Poeta.
Este acto está organizado polos Xestores da súa páxina Web e colaboran os alumnos do CPI de Seoane do Courel, as asociacións do territorio, a familia de Uxio Novoneyra, o Concello e a Deputación.
O acto consistirá nunha camiñada-Homenaxe que comeza na Ferreria de Seoane e remata no pobo de Parada (ver programa). durante a camiñada haberá actuacións poéticas, musicais, teatrais, lúdicas... calquera que o desexe pode participar poñéndose en contacto coa asociación SOS Courel (soscourel@mundo-r.com). O acto central da homenaxe será na casa do Poeta en Parada, os participantes que desexen falar neste acto deben manifestalo con urxencia á seguinte dirección uxionovoneyra@gmail.com.

O próximo martes non abriremos en Courel

2010-04-07T12:40:00.003+02:00

Por asistencia a xornadas de formación en Agader (Santiago) do persoal técnico, o próximo martes non atenderemos ao público en Courel. Perdoade as molestias.

Convocada Xunta Directiva para o 9/04/2010

2010-04-06T20:50:00.002+02:00

Foi convocada unha reunión de Xunta Directiva para este venres día 9 de abril de 2009, ás 18:00 horas, no local da Asociación. Os puntos da orde do día serán:
0 - Lectura e aprobación da Acta Anterior.
1 - Solicitude de Subvenicón á Consellería de Traballo.
2 - Proxectos de Cooperación, no marco da subvencións do Ministerio Medio Ambiente, Rural e Mariño.
3 - Baremo. Modificación.
4 - Turismo. Propostas derivadas da reunión con persoal da área de Turismo da Deputación.
5 - Dinamización Social.
6 - Rogos e Preguntas.

Cabe lembrar que os/as representantes das entidades socias poden asistir á reunión con voz, sen voto. Calquer dúbida, podedes consultar no teléfono 982360824.

ENTREGA DE PREMIOS

2010-03-29T10:31:00.003+02:00

Este sábado pasado tivemos a entrega de premios do concurso de Debuxo TI PINTAS MOITO!

Foi unha xornada moi divertida gracias á presencia dos/as rapaces/zas das aulas das gañadoras.

Aquí podedes ver un momento da entrega de premios.

Fallo do Concurso de Debuxo

2010-03-16T18:23:00.006+01:00

Despois de máis 3 horas de deliberación, e tras revisar os 371 debuxos participantes en todas as modalidades, o Xurado do Concurso de Debuxo TI PINTAS MOITO!, conformado por 5 profesionais das ramas de Deseño Gráfico, Artes Aplicadas, Animación e Traballo con nenos/as, dictaminou o fallo:

PRIMEIRO: queren deixar constancia que resultou moi difícil facer unha selección de gañadores/as, pois os debuxos son de moi alta calidade, e que se debe recoñecer o esforzo dos participante e a orixinalidde das ideas.

SEGUNDO: finalmente, resultaron gañadores/as:
Modalidade: "Como quero que sexa o meu pobo cando medre"
Gañadora/or Infantil e 1º Ciclo de Primaria
Gañadora/or 2º e 3º Ciclo de Primaria
Modalidade: "Represéntanos" (logo):
Gañadora/or

Dende a Asociación, despois de asombrarnos e emocionarnos co esforzo demostrado e a calidade dos traballos presentados, enviámosvos un cálido agradecemento a todos/as concursantes, así como aos Centros de Ensino que tan xenerosamente colaborastedes con nós neste Concurso.

Para rematar, convidámosvos a que vexades unha pequeniña mostra dos traballos, no documental "Catro Escapadas", que o programa "Desde Galicia para el Mundo" emitiu a pasada fin de semana. Podedes velo aquí. Tedes que ir ao fondo da páxina, onde se pode ver o vídeo, e darlle ao botón no medio da pantalla.

Convocada ASEMBLEA XERAL 27/03/10

2010-03-12T12:41:00.002+01:00

Foi convocada unha próxima asemblea para o 27/03/2010.
Será ás 17:00 horas no local da Asociación, en Becerreá. A Orde do Día será:
0- Lectura e aprobación da orde do día
1- Lectura e aprobación da acta anterior.
2- Memoria e contas do ano 2009. Aprobación.
3- Modificación da Composición de Xunta Directiva.
4- Entrada na Rede Rural Galega. Aprobación.
5- Data aproximada e lugar da vindeira Asemblea Xeral.
6- Rogos e Preguntas.

Ao saír, agárdannos uns refrescos e pinchos no bar Trama, de Becerreá, co gallo da entrega de premios ao Concurso de Debuxo, e a presentación oficial da Imaxe da Asociación. Alí agardamos ter un momento de lecer e intercambio entre os socios.

Debuxos na Televisión

2010-03-09T13:39:00.006+01:00

Algúns debuxos dos nenos e nenas do noso territorio, realizados na modalidade de debuxo "Como quero que sexa o meu pobo cando medre", para o concurso "TI PINTAS MOITO!", sairán esta fin de semana na televisión.
O programa Desde Galicia para el Mundo, emitirá esta fin de semana unha reportaxe sobre escapadas por Galicia, sendo unha delas aos Ancares. Nesta reportaxe incluiranse parte dos debuxos que os nenos e nenas do noso territorio aportaron para o concurso que o GDR realiza nos meses de febreiro e marzo.
A reportaxe emitirase:
- o sábado 13 na canle internacional de Televisión Española (ver horarios aquí)
- o domingo 14 ás 15:30 horas na Televisión de Galicia.

FORMACIÓN. Eventos.

2010-03-03T16:59:00.003+01:00

XORNADA de MARKETING NO TURISMO RURAL, organizada pola Deputación Provincial de Lugo no marco do proxecto LugO2:
O próximo mércores día 10 de marzo, ás 16:00 horas celebrarase na Casa da Cultura de Becerreá, unha xornada informativa sobre MARKETING NO TURISMO RURAL, cunha duración estimada de 3 horas. Esta actividade organízase no marco do proxecto LugO2, da Deputación Provincial de Lugo. A participación é gratuita, pero débese confirmar a asistencia no teléfono 982260042 ou ben no enderezo electrónico lugo2@deputacionlugo.org.
Máis información na web do Concello de Becerreá.

FORMACIÓN ON-LINE COOPERATIVISMO:
O Consello Galego de Cooperativas oferta para este ano varios cursos de formación on-line relacionados co mundo das cooperativas e outras empresas de economía social. Son cursos de diversas temáticas, tales como habilidades sociais, xestión e dirección, marketing, etc.
Máis información na web específica.

SOUTOS en Courel

2010-02-28T11:29:00.005+01:00

O próximo sábado 6 de marzo, ás 16:00 horas na antiga escola de Seoane (hoxe Centro Social), temos concertada unha reunión entre persoas e entidades interesadas en realizar algún proxecto relacionado coa conservación e mellora dos soutos. Se pertencedes a algún colectivo relacionado coa temática na zona de Courel, convidámosvos a que asistades.
A temática será ampla, recollendo cuestións relativas ao estado sanitario, as producións e a calidade da castaña, a transformación da castaña, a recuperación de sequeiros e outros elementos constructivos, a recuperación de saberes locais sobre as formas de coidado dos soutos e sobre a gastronomía da castaña, etc.
Tratarase fundamentalmente na reunión de ver as posibilidades de emprender unha acción común entre todos/as, de cara a salvar a situación actual de abandono e perda de rendibilidade, co fin último, en calquer caso, de atopar unha alternativa para o emprendemento rendible e sostible.

TI PINTAS MOITO !! Ampliación do prazo.

2010-02-25T11:23:00.005+01:00

Co obxectivo de poder concluir ben os debuxos e facilitar a participación de todos/as os rapaces e rapazas do territorio, decidiuse AMPLIAR O PRAZO PARA A REALIZACIÓN DOS DEBUXOS ATA O VINDEIRO LUNS, 8 de MARZO de 2010.

Despois desta data, os centros de ensino deberán remitir os debuxos á Asociación. Moito ánimo a todos/as os/asdebuxantes!!

Próxima Reunión Xunta Directiva: 26/02/10

2010-02-23T11:44:00.002+01:00

Foi convocada unha Reunión de Xunta Directiva para este venres, 26/02/2010, ás 18:00 horas no local da Asociación. A orde do Día estará composta polos seguintes temas:

0. Aprobación da Orde do Día.
1. Aprobación da Acta da Reunión anterior, do 27/11/2009.
2. Solicitude de entrada de Novos Socios. Aprobación.
3. Proxectos de Cooperación. Estado Actual e Liñas Futuras.
4. Concurso de Debuxo nos Centros de Ensino do Territorio.
5. Estado de Contas e Planificación.
6. Reformulación dos gastos do 2010 nas medidas 431A e 431B segundo as novas instrucións.
7. Proposta de colaboración da Asociación de Empresarios de As Nogais.
8. Rede Rural Galega.
9. Preparación da próxima Asemblea da Asociación.
10. Rogos e Preguntas.

Lembrade que poden acudir ás reunións da Xunta Directiva representantes das entidades socias.

TI PINTAS MOITO!! Concurso de Debuxo e Logo.

2010-02-18T19:01:00.005+01:00

Durante este mes de febreiro a Asociación organiza nos centros educativos do territorio un concurso de debuxo.

Os obxectivos do mesmo son, entre outros: achegar información do programa Leader ás familias máis novas, destacar o papel dos/das máis novos/as no desenvolvemento, e conseguir un logotipo para a Asociación.

Para elo, organízase o concurso en dúas modalidades:

PARA EDUCACIÓN INFANTIL E PRIMARIA:
Modalidade: "Como quero que sexa o meu pobo cando medre!" onde se realizará un debuxo libre relacionado con esta temática.

PARA EDUCACIÓN SECUNDARIA, BACHARELATO E CICLOS FORMATIVOS (ata 22 anos):
Modalidade: "Represéntanos!", no que se debuxará un logotipo para a Asociación.

Os gañadores/as, e máis as aulas dos/as gañadores/as, recibirán sendos premios, e tódolos participantes recibirán un pequeno detalle.

Colaboran para elo: Concello de Baralla, Concello de Becerreá, Concello de Cervantes, Concello de Folgoso do Courel, Concello de Navia de Suarna, Concello de As Nogais, Concello de Pedrafita do Cebreiro e CAIXA RURAL GALEGA.

Atención ao Publico en Courel

2010-02-17T11:27:00.004+01:00

A partir do próximo martes 23 de febreiro, persoal técnico do GDR atenderá tamén no concello de Folgoso do Courel. Será:
- De 10:00 a 14:00 h na Biblioteca da Casa do Concello, en Folgoso.
- De 15:30 a 19:30 h no centro Multiusos de Seoane do Courel (antiga escola).
Tamén se poderá quedar para visitas ou consultas no teléfono 606035964.

PROXECTOS DE COOPERACION do GDR

2010-02-09T21:18:00.004+01:00

Que son?
Son proxectos que a Asociación leva a cabo directamente, traballando en común con outras asociacións similares. Sempre se pode aprender e facer forza a través da unión e os proxectos en común. Ahí radica a súa utilidade.

Como se sufragan?
O Ministerio de Medio Ambiente, Rural e Marino, ten unha liña específica de axudas a Proxectos de Cooperación desenvolvidos por Asociacións xestoras dos fondos Leader.

En que proxectos de cooperación participa o GDR - 05?
1º: MASOVERA.
Masovera é un proxecto de busca de solucións alternativas, útiles e de baixo custe para os problemas de equipamentos, infraestruturas e servizos, nos pequenos núcleos e explotacións ailladas.
2º: REAC (Rede Espazos Ambientalmente Competitivos).
REAC reúne unha serie de actuacións diversas encamiñadas, entre outras cousas, ao aproveitamento dos recursos vinculados á natureza e a imaxe de calidade.
3º: WOLF (Wild Life and Farmers: Vida Salvaxe e Gandeiros/as).
WOLF busca fundamentalmente para o noso territorio, conseguir unha mellora nas compensacións das perdas producidas na gandería derivadas da presenza de fauna salvaxe, coma o lobo.

O INVERNO NAS MONTAÑAS

2010-01-08T14:14:00.003+01:00

2010-01-08T13:12:00.002+01:00

Nota: para chegar hoxe venres día 8 de xaneiro de 2010 á oficina, deben chamar por teléfono ao número 982360824 para que baixemos a abrir a porta de entrada.
Desculpen as molestias.

AXUDAS PROGRAMA LEADER

2009-12-04T09:55:00.004+01:00

No seguinte enlace podedes ver a convocatoria de axudas con cargo ao

Programa LEADER do GDR-5:

CONVOCATORIA-GDR5

O prazo de presentación de solicitudes queda aberto ata o día 1 de setembro de 2013.

Acordos Xunta Directiva do 27/11/2009

2009-12-01T09:14:00.004+01:00

Os acordos tomados en reunión de Xunta Directiva do pasado 27/11/2009 son os seguintes:

1. Aprobar a previsión de gastos nas medidas 431A e 431B do programa Leader.
2. Aprobar solicitar préstamo como anticipo de subvencións e autorizar a tres persoas da directiva a explorar as condicións dos préstamos, e seleccionar a mellor oferta, así como asinalos, previa comunicación á directiva.
3. Autorizar ás mesmas persoas a explorar as posibilidades dun aval bancario para o anticipo da anualidade 2010 e decidir e asinalo no seu caso, previa comunicación ao resto da directiva.
4. Apoiar a Iniciativa do Concello de Becerreá, de Declaración da Ponte de Cruzul como Ben de Interese Cultural.
5. "Apoiar á Plataforma por la Defensa del Partido Judicial de Becerreá", nas súas reivindicacións para non pechar os xulgados de Becerreá.
6. Aprobar as bases e o orzamento do Concurso de Debuxo para as escolas do territorio sobre o Logo da Asociación e o Futuro do noso territorio, e acordar solicitar a Agader esta iniciativa pola medida 431-B.
7. Aprobar o apoio a un proxecto de reivindicación de complemento de axudas para os gandeiros que sufren perdas de produción por convivir con animais salvaxes (lobo, xabarín,...).

Próxima Reunión Xunta Directiva

2009-11-24T09:28:00.003+01:00

Foi convocada unha reunión de Xunta Directiva para o próximo venres 27 de novembro, ás 18:00 horas no local da Asociación.
A orde do día estará composta polos seguintes puntos:

0. Lectura e aprobación da orde do día.
1. Lectura e aprobación da acta anterior, do 17 de setembro de 2009.
3. Estado actual de contas. Cambios na xestión das axudas ao programa Leader e os proxectos de Cooperación. Información.
4. Aprobación de gastos do 2010 con cargo ás medidas 431A e 431B do programa Leader.
5. Posibilidade de solicitar aval bancario para o anticipo da anualidade 2010 do programa Leader.
6. Rede Rural Galega.
7. Concurso de debuxo nos centros de ensino de primaria e Secundaria do territorio, sobre o futuro do rural e o deseño do Imagotipo da Asociación.
8. Solicitudes de participación en campañas locais: "Declaración de BIC da Ponte de Cruzul" e "Plataforma para a defensa do partido xudicial de Becerreá".
9. Solicitude de entrada de novos socios.
10. Rogos e preguntas.

Segundo o Regulamento de Réxime Interno, aprobado na pasada Asemblea Xeral do 12 de setembro do presente ano, os representantes de calquera entidade socia poden acudir ás reunións de Xunta Directiva. Así é que se é o caso, pódeste achegar a dar as túas opinións na reunión.

Solicitude de Declaración da Ponte de Cruzul como Ben de Interese Cultural

2009-11-06T10:10:00.004+01:00

O Concello de Becerreá solicitou á Dirección Xeral de Patrimonio Cultural da Consellería de Cultura e Turismo a Declaración de Ben de Interese Cultural para a PONTE de CRUZUL. Para apoiar esta iniciativa, calquer persoa ou asociación pode respaldala a través da súa sinatura.

... recoñezamos e valoremos o noso patrimonio!

Os documentos de apoio e máis información están neste enlace:

www.concellodebecerrea.com/novas/solicitude-de-declaracin-de-bi/

RESULTADO FINAL PROCESO SELECTIVO

2009-10-22T10:24:00.006+02:00

Unha vez realizadas tódalas probas do proceso selectivo, e rematado o prazo de alegacións ás puntucións totais provisionais sen recibir alegación algunha, quedou conformada a lista de resultados totais definitiva segundo segue:

1. PROCESO DE SELECCIÓN DE TÉCNICOS/AS. PROGRAMA LEADER. GDR-05:

LISTADO DE RESULTADOS FINAIS DEFINITIVO. GDR-05.

2. PROCESO DE SELECCIÓN DE 1 TÉCNICO/A, para traballos de DINAMIZACIÓN RURAL EN ANCARES E COUREL, con cargo á subvención da Consellería de Traballo e Benestar:

LISTADO DE RESULTADOS FINAIS DEFINITIVO. Subv. Traballo e Benestar.

RESULTADO PROVISIONAL PROCESO SELECTIVO

2009-10-18T21:55:00.003+02:00

Unha vez realizada a entrevista e a valoración de méritos, que son as últimas fases do proceso selectivo, quedou conformada a lista de resultados totais provisional segundo segue:

1. PROCESO DE SELECCIÓN DE TÉCNICOS/AS. PROGRAMA LEADER. GDR-05:

RESULTADOS TOTAIS; LISTADO PROVISIONAL. GDR - 05.

2. PROCESO DE SELECCIÓN DE 1 TÉCNICO/A, para traballos de DINAMIZACIÓN RURAL nos ANCARES e COUREL, con cargo a Subvención da Consellería de Traballo e Benestar:

RESULTADOS TOTAIS; LISTADO PROVISIONAL. Subv. Traballo e Benestar.

NOTA: As persoas da lista que o consideren oportuno, poderán facer alegacións aos resultados da valoración de méritos e da entrevista ata o próximo mércores ás 14,00 horas. A forma de presentación será por escrito achegado á oficina da Asociación en horario de 9,00 horas a 14,00 horas, ou ben por correo electrónico dirixido a gdr5ancarescourel@gmail.com, en calquer horario antes do peche do prazo de alegacións.

Resultados provisionais Proba Escrita. 15/10/2009

2009-10-16T01:36:00.005+02:00

Previos:

Unha vez anuladas as preguntas nº 16, 17, 30 e 44 (ver Xustificación), e integradas por tanto as catro primeiras preguntas de reserva, a puntuación obtida polos/as candidatos/as na proba é a seguinte:

Proceso de contratación de persoal no marco do programa Leader:

1. Notas do test - GDR (Eliminatorio)
2. Notas da proba escrita - persoas que superaron a fase eliminatoria- GDR

Proceso de contratación de persoal no marco da Subvención da Consellería de Traballo e Benestar:

1. Notas do test - Subvencion Traballo e Benestar.
2. Notas da proba escrita - persoas que superaron a fase eliminatoria - Subv. Traballo e Benestar.

Nota: o prazo de alegacións rematará mañá, sábado 17, ás 12,00 horas. A forma de entrega das alegacións será por escrito na oficiña hoxe venres de 12:00 a 14:00 horas e de 16:00 a 19,00 horas, e por correo electrónico ao enderezo gdr5ancarescourel@gmail.com, en calquer horario antes do prazo de finalización das alegacións.

LISTADO FINAL ADMITIDOS/AS - EXCLUÍDOS/AS

2009-10-13T20:51:00.005+02:00

Neste enlace podedes consultar a listaxe FINAL de persoas admitidas e excluídas ao proceso de selección de persoal técnico:

ADMITIDOS/AS - EXCLUÍDOS/AS

A proba escrita realizarase:
- Ás 16:30 horas, agradecendo a asistencia con 15 - 20 minutos de antelación para o control de asistentes.
- No Instituto de Secundaria de Becerreá, sito na rúa Camiño de Castelo s/n; Becerreá.

É importante levar o DNI ou pasaporte para o control previo de asistentes.

MAPA DO SITIO.

Proceso de Selección de Persoal Técnico

2009-10-08T07:39:00.013+02:00

Está aberto o proceso para selección de dous postos de traballo e a conformación dunha lista de agarda na categoría de técnico/a.

Nos seguintes enlaces tedes a disposición as bases que regulan o proceso e os modelos de solicitude que se deben presentar:

BASES - SELECCION TECNICOS/AS
MODELOS SOLICITUDE
AMPRIACIÓN PRAZO ATA AS 19,00 horas

É importante lembrar que as solicitudes deberán estar no local da Asociación dentro do prazo de presentación de solicitudes, que remata o martes 13 de outubro ás 19,00 horas.

Horario de recepción de solicitudes: de 9,00 a 14,00 horas e de 16,00 a 19,00 horas pola seman. O sábado a oficiña estará aberta para recibir solicitudes de 9,00 a 14,00 horas.

Na columna á dereita, podedes descargar documentos válidos para a preparación da proba escrita.

Nota: para cubrir o modelo de solicitude, podes guardar o documento en vez de abrilo, cando pinchas no enlace, e facer as modificacións que consideres dende o teu ordenador. Outra opción é cubrilo no mesmo documento segundo se abre ao pinchar no enlace, e xeralmente coas teclas "Control" e "P" (para Windows), aparece o menú para imprimir.

Aprobada Subvención Consellería Traballo para Contratación dun/ha Técnico/a

2009-10-06T19:12:00.003+02:00

A Asociación recibiu recentemente a resolución favorable da Subvención solicitada á Consellería de Traballo e Benestar, para a contratación dun/ha traballador/a inscrito no Servizo Público de Emprego de Galicia, por 9 meses.

O posto será na categoría de técnico/a para a realización do servizo denominado de "Dinamización no medio rural Ancares Courel".

A selección se realizará entre os currículums facilitados polo Servizo Público de Emprego de Galicia, mediante probas selectivas que consistirán nun exame escrito, entrevista e valoración de méritos.

Acordos da Xunta Directiva de 17/09/09

2009-09-23T14:03:00.005+02:00

A Xunta Directiva acordou en reunión celebrada o día 17/09/09:

- Iniciar o proceso de contratación de dúas persoas para traballar na xestión do programa Leader e noutros proxectos da asociación. Un contrato durará previsiblemente ata fins do ano 2010. O outro, terá unha duración temporal menor, e será para dar apoio puntual a varios proxectos.
Nomeouse á Comisión encargada de selección de persoal para establecer as bases e realizar a selección.

Acordos das Asembleas Xerais do 12/09/09

2009-09-23T13:52:00.005+02:00

Tomáronse, de forma resumida, os seguintes acordos:
1. Modificación do domicilio social da Asociación, para ubicalo na oficiña aberta en Rúa Bolaño Mendo s/n; edificio S. Xoán, 4º andar. /27670/ - Becerreá. Aprobouse por tanto tamén a modificación dos estatutos ao respecto, así como unha corrección de erratas no artigo 14 dos mesmos: onde di "puntos i a l", debe dicir "puntos i a o".
2. Aprobación das contas e a memoria do ano anterior.
3. Aprobación do Regulamento do Réxime Interno da Asociación.
4. Ampliación da composición da Xunta Directiva, dando cabida como novos membros aos representantes dos concellos de Navia de Suarna e Pedrafita do Cebreiro.
5. A realización de dúas asembleas anuais, unha sobre marzo e outra sobre novembro, para facilitar as aprobacións das memorias do ano anterior e das planificacións do ano seguinte respectivamente.

Hoxe a oficiña permanecerá pechada

2009-09-22T08:46:00.002+02:00

Por motivos de asistencia a unha reunión fóra de Becerreá, hoxe pola mañá a oficiña permanecerá pechada. Para calquer consulta urxente, podedes contactar connosco no teléfono móvil 606035964, e se non te contestamos axiña, devolverémosche a chamada.

Desculpa as molestias.

Convocada Xunta Directiva para mañá xoves

2009-09-16T14:02:00.004+02:00

Foi convocada unha reunión de Xunta Directiva para mañá xoves 17 de setembro, ás 17,00 horas no local da asociación, na Rúa Bolaño Mendo s/n, edificio San Xoán, 4º andar.

O apresurado da convocatoria débese á urxencia das decisións a tomar. A orde do día quedará composta por:

0. Lectura e aprobación da Orde do Día.
1. Lectura e aprobación da Acta Anterior.
2. Reformulación dos proxectos de cooperación aprobados polo Ministerio de Medio Ambiente, Rural e Marino, a saber:
2.1 - Proxecto MASOVERA.
2.2 - Proxecto Rede de Espacios Ambientalmente Competitivos.
3. Rogos e Preguntas.

Segundo o Regulamento de Réxime Interno, aprobado na pasada asemblea xeral celebrada o día sábado 12 de setembro, os representantes de calquera entidade socia poden acudir ás reunións de Xunta Directiva. Así que se representas a unha entidade socia, pódesche achegar a participar dando as túas opinións.

2009-09-12T10:56:00.005+02:00

¡¡¡ feliz aniversario !!!

hoxe cumprimos un ano de constitución,

así que noraboa a todas e todos

Convocadas Asembleas Xerais 12/setembro/2009

2009-09-07T09:29:00.003+02:00

As dúas asembleas xerais se celebrarán na Casa da Cultura de Becerreá, rúa Eulogio Rosón s/n:

- Asemblea Xeral extraordinaria ás 16,30 horas, para tratar:
- Cambio de domicilio social da asociación.

- Asemblea Xeral ordinaria ás 17,30 horas, cos seguintes temas:
- Lectura e aprobación da orde do día.
- Lectura e aprobación da acta anterior.
- Memoria e contas ano 2008. Avance do ano 2009.
- Regulamento do Réxime Interno.
- Convocatoria subvencións LEADER.
- Modificación composición Xunta Directiva.
- Data próxima asemblea.
- Rogos e preguntas.

2009-07-21T11:43:00.006+02:00

O equipo técnico incorporado na nova oficina.

O novo local da asociación, que servirá de sede estable da oficina, foi cedido pola Consellería do Medio Rural e ubícase no mesmo bloque que a nova Oficina Agraria Comarcal, no antigo colexio de Becerreá.
Rematadas algunhas obras, e a falta dalgún equipamento, deixamos o local cedido polo concello de Becerreá na rúa Anovello ... e xa estamos en condicións de atender consultas, peticións,... ¡e visitas! no seguinte enderezo:

Rúa Bolaño Mendo s/n. Edificio San Xoán (antiga escola); 4º andar. /27640/ - Becerreá

(De momento, de 9 a 14 horas)

Teléfonos: 606 035 964 e 982 360 824

Enderezo electrónico: gdr5ancarescourel@gmail.com

Rematada a Selección de persoal

2009-04-29T00:41:00.004+02:00

Pódedes consultar as notas e o posto acadado na derradeira prova , PREME AQUI

Recordade que se recurrira a estas listas , para algun futuro posto ou cubrir vacantes.
Gracias a todos . Alentámosvos dende aquí para que presentedes proxectos intersantes e que fagades concencia do mesmo entre as nosas xentes.

Tribunal Examinador para os doús postos ofertados

2009-03-11T15:27:00.015+01:00

Estes postos poderán variar, sendo cubertos polos suplente correspondente á fila de cada un.

Asi mesmo, dende a Xunta directiva informamos que o luns 16, publicaranse as notas acadadas na Primeira Fase (Valoración de Meritos) para os dous postos ofertados.